معرض أعراسنا الدولي الثاني عشر ٢٠١٣

السلام عليكم حبايبي 

حبيت أنقل لكم جولتي في معرض أعراسنا الدولي بقاعة نيارة لمدة ثلاث أيام على ما أعتقد

كان الأسبوع الماضي

فيه أشياء كثيرة بس أنهم مايبيعون كل  المنتجات للعرض فقط

:(

يوم المعرض كان ممطر و جميل 

المدخل

الطاولة و ديكورها من تصميم نيارة أول مرة في حياااااتي أدري إن نيارة عندهم ديكور أخبر قاعه و صبابات و عاملات ضيافه و عشاء فقط، اللبنانية انهارت يوم قلت لها من متى تسوون كوشات خخخخخخخخ فتحت عيونها أقوى شيء وقالت من زماااااان نحنى بنعمول كل شي

خخخخخخخخخ

أرجو أن محد يشره علي محل الكوشات اللي تحت ما أعرف أسمه أول ما دخلت قلت خليني أصور بعدين أخذ البروشور حقهم و نسييييييت 

مرررررة تنسيقهم مدهش و رائع

سمعت من صاحبته أنهم فاتحين صار لهم ٦ شهور

ياعيييييييييييني على فوري جالاند

أول مره أحس بطعم الشوكولا الطازجة قلبي الصغير لا يتحمل 

المحل فرنسي و فاتح في دبي قمت أنا و الوالدة الله يحفظها أقترحنا عليهم يفتحون في الرياض و خصوصاً في التخصصي موب علشان جنب بيتنا لاااااااا هههههههههه قلنا لهم يدورون محل قريب من مستشفى الحبيب للولادة ذكرنا لهم كم محل قالوا بيطلعون يشوفونهم و أول مايفتتحون المحل بيرسلون على جوالاتنا 

يازينهم سواليف و منتجاتهم لذيذة

وديكورهم يفتح النفس

أزياء هيا روعه للبنات الصغار عندهم موديلات غريبه و أزياء شعبيه و بعد فساتين زواجات شغلهم متقن تطريز و خياط نظيف ما شاء الله 

بس أسعارهم هممممممم غاليه على أن منتجاتهم وطنية كان المفروض تكون أرخص 

وهذا الله يسلمكم محل أبوتشي

Abucci

يجهز حفلات من كل شيء ديكور وشوكولا و ورد صراحه تنسيقهم في الورد مررررره جميل أحمر أحممممر و المزهريات ذهبييييه اللونين خيال بعد عندهم حلويات من هارودز و تذكارات و علب هدايا أشيائهم غريبه و حلوه

هالماركة أحلى شيء عندهم الأباجورات كيووووووت

هذي كيكة العروس بس بطريقة جديدة أتوقع المحل إيطالي فكرتها إن كل طبقه تحتها حوض سمك أحسها حلوه بس كان ينقصها شوية لمسات يمكن لو كان السمك أكبر شوي و الحوض فيه كريستال أو ورد

الورد اللي معلق عالثريه روعه كأنه حقيقي 

الشاشة جداً رائعة وصافية ياليتهم يستخدمونها في الزواجات بدال البروجكتر 

:D

هذي مجوهرات تركية أكثر شيء عجبني عندها الأساور غريبة و نقشتها جميلة

أتمنى يكون البوست عجبكم 

أشوفكم في البوست القادم 

مع السلامه و الله يحفظكم