بسم الله الرحمن الرحيم
شلونكم مع البررررد
فكرة الفطور الشعبي كانت تراودني من فترة وكل ما أقترحها على البنات ما يعطوني رأي فقررت اسويها هالويكند
ومن أول ماقررت والجو صاير حررررررررررر يوم أنتصف الأسبوع ارسلت لهم قلت يمكن نأجل فطورنا لين الله يامرها وتهب شمال، بس الحمدلله أمس رجع البررررد قوي بعده توكلت على الله وعزمت الجميع.
من شروط العزيمه
١- يلبسون داراريع
٢- الروج يكون أحمر يراري
٣- يلبسون كل الأكسسوارات الذهبية اللي عندهم "فيه ناس حلوه لبسوا خلخال يجنن"
٤- يجون بدري عالساعه تسع تقريباً
الكل جو عالوقت الا وحده صدتها نايمه مسويه على بالها أني قايمه من زمان :/
من الفجر استعدينا
فطورنا كان عبارة عن
١- صبيب
٢- قرص عمر
٣-شابورة
٤-كليجا صغار
٥-معمول تمر
٦-فريك آو حنيني
٧-نواشف
"قشطة، عسل،مربى، حمسة بصل وطماط، حلاوة طحينية"
٨-حليب بالزنجبيل، وشاهي بالزعفران وموية الورد
٩-تميس
أترككم مع الصور
الحمدلله كل شيء كان تمام
وأنبسطوا البنات اللي خلو كل شيء يبرد وهم يطقطقون بالصور ساعه كل ماقلنا خلاص قالوا آخر صورة
أشكر كل اللي حضروا واللي ساعدوا
الله لا يخليني منكم ولا من هالجمعه الحلوه
أتمنى تكون عزيمتي الفطوريه عجبتكم شاكرة لكم زيارتكم
No comments:
Post a Comment